هەرێم نیوز
هێزێکی ئەمنیی سەر بە دەستەی دەستپاکی فیدراڵیی عێراق بەرپرسێکی باڵا و جێبەجێکاری لە وەزارەتی کارەبای حکوومەتی فیدراڵ دەستگیر کرد.
بەپێی زانیارییەکان، کەسی دەستگیرکراو بریتییە لە (خالد غەزای عەتیە)، بریکاری وەزارەتی کارەبای عێراق بۆ کاروباری گواستنەوە و دابەشکردن.
پڕۆسەی دەستگیرکردنەکە لەسەر داوا و فەرمانی ڕاستەوخۆی دەستەی دەستپاکی فیدراڵی بەڕێوە چووە.
تاوەکو ئێستا هۆکاری سەرەکی و وردەکاریی تۆمەتە ئاڕاستەکراوەکان لەلایەن سەرچاوە فەرمییەکانەوە ڕانەگەیەندراوە، بەڵام دەستگیرکردنەکە لە چوارچێوەی ڕێکارەکانی ڕووبەڕووبوونەوەی گەندەڵیدا دێت.