هەرێم نیوز

وەزارەتی ناوخۆی عێراق ڕایگەیاند، كاتژمێر 12:00 ئەمشەو قەدەغەی هاتوچۆ لە ناوخۆی پارێزگاكان هەڵدەگیرێت، بەڵام قەدەغە هاتوچۆ لە نێوان پارێزگاكان بۆ سبەینێش بەدەوام دەبێت.

لیژنەی باڵای ئەمنی بۆ سەرژمێری لە وەزارەتی ناوخۆی عێراق ڕایگەیاند، قەدەغەی هاتوچۆ لەناو شارەکان لە کاتژمێر 12:00ی ئەمشەوەوە هەڵدەگیرێت، بەڵام لەنێوان پارێزگاکان قەدەغە تا کاتژمێر 12:00ی شەوی 22-11 دەمێنێت، بەمەش قەدەغەی هاتوچۆ لەنێوان شارەکان بۆماوەی 24 کاتژمێر درێژکراوەتەوە.

ئەمە لە کاتێکدایە، بەبۆنەی سەرژمێری گشتییەوە لە عێراق و هەرێمی کوردستان، ڕۆژانی 20 و 21ی مانگ قەدەغەی هاتوچۆ ڕاگەیەندرابوو.