هەرێم نیوز
دادگای تاوانی نێودەوڵەتی ڕۆژی پێنجشەممە فەرمانی دەستگیرکردنی بۆ بنیامین ناتانیاهۆ سەرۆک وەزیرانی ئیسرائیل و یۆئاڤ گالانت وەزیری پێشووی بەرگری ئیسرائیل دەرکرد.
هەروەها، دادگای تاوانە نێودەوڵەتییەکان لە بڕیارەکەیدا ناڕەزایەتییەکانی حکومەتی ئیسرائیل سەبارەت بە دەسەڵاتی دادوەری ئەم دادگایە لە مامەڵەکردن لەگەڵ کەیسەکانی پەیوەست بە سکاڵاکانی فەڵەستینییەکان ڕەتکردەوە.
لە مانگی ئەیلولدا حکومەتی ئیسرائیل بە فەرمی ناڕەزایەتی دەربڕی بەرامبەر بە داواکاریی داواکاری گشتی دادگای تاوانەکان بۆ دەرکردنی فەرمانی دەستگیرکردن دژی نەتانیاهۆ و گالانت ئەو وڵاتە بانگەشەی ئەوە دەکات کە دادگای تاوانەکانی نێودەوڵەتی دەسەڵاتی مامەڵەکردنی لەگەڵ سکاڵاکانی فەڵەستینییەکان و... کە کارێکی لەو شێوەیە نایاساییە.
ئەم کارەی دادگای تاوانە نێودەوڵەتییەکان کاردانەوەی بەربڵاوی لە گۆڕەپانی سیاسی و یاسایی جیهاندا بەدوای خۆیدا هێنا.
ڕەخنەگرانی ئیسرائیل ئەم بڕیارەیان بە هەنگاوێکی گرنگ لە ڕێڕەوی دادپەروەری بۆ فەلەستینییەکان زانیوە، لە کاتێکدا لایەنگرانی ئیسرائیل بە هەنگاوێکی لایەنگری و سیاسییان زانیوە.
بە دەرکردنی ئەم فەرمانە دەستگیرکردنانە، پێدەچێت گرژییە دیپلۆماسییەکان لە نێوان ئیسرائیل و کۆمەڵگەی نێودەوڵەتیدا زیاتر ببن، ڕەنگە ڕووبەڕووی سنووردارکردنی جددی ببنەوە بۆ گەشتە نێودەوڵەتییەکانیان، چونکە وڵاتانی ئەندامی دادگای تاوانە نێودەوڵەتییەکان پابەندن بە جێبەجێکردنی ئەم فەرمانە. ئەم کارە دەبێتە هۆی زیادبوونی فشارەکان لەسەر حکومەتی نەتانیاهۆ لە ناو قەیرانە سیاسی و ئەمنییەکانی ناوخۆ و ناوچەییدا.