هەرێم نیوز
ئاوی سۆران ڕایگەیاند، داوا لە هاوڵاتییان دەکەین کە لەو ڕۆژانە دەست بە ئاوەوە بگرن بەهۆی گۆڕینی ڕێڕەوی هێڵە سەرەکییەکانی ئاوی خواردنەوەی شار.

 ئەمڕۆ چوارشەممە 20-11-2024، بەڕێوەبەرایەتی ئاوی سۆران لە ڕاگەیەندراوێکدا ڕایگەیاند، هاوڵاتییانی ئەم گەڕەکانەی کە ناویان لە خوارەوە هاتووە لە سنووری قەزای ناوەندی سۆران و ناحییەی دیانا  ئاگادار دەکەينەوه، کە بەهۆی کارکردن لە پڕۆژەی دەروازەی شاری سۆران و گۆڕینی ڕێڕەوی هێڵە سەرەکییەکانی ئاوی خواردنەوەی شار،  پڕۆژەی ئاوی زارگەلی بە شێوەیەکی کاتی ڕادەگیرێت.

ئاشکراشیکرد، لە ڕۆژانی شەممە، یەکشەممە و دووشەممەی هەفتەی داهاتوو کە دەکاتە ( 23,24,25/11/2024) بۆیە داوا لە هاوڵاتییان دەکەین کە لەو ڕۆژانە دەست بە ئاوەوە بگرن.

ئاماژەی بەوەشکرد، ناوی گەڕەکەکان، ناوچەی پیشەسازی و باپشتییانی خواروو،  دووسایدی زارگەلی تاوەکو فلکەی گشتی بازاڕ و گەڕەکی بەختیاری و  گەڕەکی شەهیدانی بەختیاری و پشت هۆڵی بوونەکان، پشت ڕێکخستن،  گەڕەکی چەمی ڕێزان و  بەشێکی گەڕەکی نەورۆز  (پشت  هۆتێل بینەزیر) و ناو بازاڕ و  گەڕەکی گۆڕەز،  گەڕەکی بانە و برايەتى بەشێکی گەڕەکی کانی و  گەڕەکی ئازادی و گەڕەکی شەهیدانی ئازادی، گەڕەکی خاتووناوە و گەڕەکی دێلزیان و گەڕەکی شەهیدانی دێلزیان ، گەڕەکی برادۆست).