هەرێم نیوز
سهرۆك وهزیرانی عێراق لهگهڵ بارزانی، كۆبوهوه و رایگهیاند، كابینهكهی ڕێگایەکی دوری بڕیوە لە دروستکردنی متمانە لەگەڵ حکومەتی هەرێم و چارەسەرکردنی زۆرێک لە کێشەکان، لەسەر بنەمای هاوبەشی بەهێز ئارەزوی زاڵبون بەسەر جیاوازییەکان دەکات.
بهگوێرهی ڕاگهیهندراوێكی نوسینگهی سهرۆك وهزیرانی عێراق، محهمهد شیاع سودانی ئهمڕۆ چوارشهممه له سهڵاحهدین سهردانی مهسعود بارزانی كردوه و لە میانی دیدارەکەدا سودانی پیرۆزبایی سەرکەوتنی هەڵبژاردنەکانی پەرلەمانی هەرێم کرد و جەختی لەوە کردەوە کە "ئەم سەرکەوتنە ڕەنگدانەوەی ئەرێنی ههیه لەسەر هەمو بەشەکانی عێراق"، هاوكات ئاماژەی بە گرنگی خێراکردنی پێکهێنانی حکومەت و پاراستنی سیاسی کرد سەقامگیری لە ناوچەکەدا، کە پاڵپشتی سەقامگیری گشتی پڕۆسەی سیاسی عێراق دەکات.
ئاماژهی بهوهشكردوه، سودانی ئەو دۆخه ئەرێنییەی بەرز نرخاند کە حکومەتی هەرێم تێیدا کاردەکات سەبارەت بە فایلە هاوبەشەکان لەگەڵ حکومەتی فیدڕاڵی، وتیشی، "حکومەت، لە ماوەی دو ساڵدا، ڕێگایەکی دوری بڕیوە لە دروستکردنی متمانە لەگەڵ حکومەتی هەرێم و چارەسەرکردنی زۆرێک لە کێشەکان لەسەر بنەمای هاوبەشی بەهێز ئارەزوی زاڵبون بەسەر جیاوازییەکان دەکات".
له ڕاگهیهندراوهكهدا هاتوه، لایخۆیەوە بارزانی ئاماژەی بەوەدا کە ڕۆڵی ئەرێنی سەرۆکی حکومەت هۆکاری سەرکەوتنی هەڵبژاردنەکانی هەرێم بوە، جەختیشی لە بەردەوامیی گفتوگۆکان لەگەڵ هێزەکانی کوردستان بۆ پێکهێنانی حکومەت لە هەرێم کردەوە.
هاوكات بارهگای بارزانی له ڕاگهیهندراوێكدا لهبارهی كۆبونهوهكه باسی لهوهكردوه، لەدیدارەكەدا تاوتوێی بارودۆخی سیاسیی عێراق و دوایین گۆڕانكاری و پێشهاتەكانی ناوچەكە كرا و هەروەها جەختیش لەوەكرایەوە كە لە پەیوەندی و هەماهەنگییەكانی نێوان حكوومەتی هەرێمی كوردستان و حكوومەتی عێراقی فیدڕاڵدا هەنگاوی ئیجابی و باش نراون.