هەرێم نیوز
شارەزایەکی بواری کەشناسی ڕایگەیاند، قۆناغی كۆتایی ئەم شەپۆلە تا كاتەكانی ئەمشەو بەردەوام دەبێت، دەشڵێت؛ تاوە باران و ھەورە بروسكەی پچر پچر درەنگانی سبەی شەو كۆتای پێدێت.
ئاراس جەبار شارەزای بواری كەشناسی لە بڵاوکراوەیەکدا ڕایگەیاند، كاتەكانی ئایندەدا قۆناغی كۆتایی ئەم شەپۆلە لەسەر زۆربەی ناوچەكان دەستپێدەكاتەوە و تا كاتەكانی ئەمشەو بەردەوامی دەبێت.
باسی لەوەشکرد، لەم قۆناغەدا ئەگەری تاوە بارانی بەخوڕ و ھەورە بروسكە و بارینی تەرزە دەبێت و زیاتریش لە ناوچەكانی پارێزگای سلێمانی و ھەڵەبجە و كەركوك و ئیدارەی گەرمیان و لە ناوچەكانی دیكەش بە بڕێکی كەمتر باران دەبارێت.
ئەوەشی خستەڕوو، سبەینێ دووشەممە ئاسمانی ھەرێم بە درێژای كاتەكان بە نیمچە ھەوری دەمێنێتەوە و كاریگەری ناسەقامگیری كەش بە لاوازی بەردەوامی دەبێت و لەكات و شوێنی جیاوازدا بە دیاری نەكراوی تاوە باران و ھەورە بروسكەی پچر پچر چالاك دەبێتەوە و درەنگانی سبەی شەو كۆتای پێدێت.