هەرێم نیوز
وەزیری پەروەردەی هەرێم رایگەیاند، پارێزگار و سەرپەرشتیاری ئیدارە سەربەخۆکان سەرپشک کران کە بەپێی دۆخەکە، بڕیار لەبارەی پشوو یان دەوامی فەرمی.
ئەمڕۆ شەممە، ئالان حەمە سەعید ، وەزیری پەروەردەی هەرێمی کوردستان رایگەیاند، بەهۆی بەرزی ڕێژەی پێشبینیکراوی باران بارینی سەرجەم پارێزگاکانی هەرێمی کوردستان، پارێزگار و سەرپەرشتیاری ئیدارە سەربەخۆکان سەرپشک کران، کە بەپێی دۆخەکە، بڕیار لەبارەی پشوو یان دەوامی فەرمی لە ناوەندەکانی خوێندن بدەن.
لای خۆشیەوە، ئێوارەی ئەمڕۆ، شاڵاو هیدایەت، شارەزای كەشناسی داوای لە حكومەتی هەرێم و بەرپرسان كرد، سبەینێ یەك شەممە بكرێتە پشووی فەرمی.
ئەمەش لەكاتێكدایە، كە بەپێی پێشبینییەكانی كەشناسی لە ئەمشەوەوە تاوەكو ڕۆژی دوو شەممە شەپۆلێكی بەهێزی باران بارین ناوچەكانی هەرێم دەگرێتەوە.