هەرێم نیوز
دابەشكردنی زەوی بەسەر فەرمانبەراندا لە پارێزگای دهۆك و ئیدارەی گەرمیان دەستی پێكرد.
دیار بەحری، بەڕێوەبەری گشتی شارەوانی دهۆك ڕایگەیاند، دەستیان بە دابەشكردنی زەوی بەسەر فەرمانبەراندا كردووە و لەماوەی هەفتەیەكدا زیاتر لە هەزار پارچە زەوی لە سنووری دهۆك دابەشكراون.
باسی لەوەشکرد، بەپێی ڕێكارەكان ڕۆژانە 400 پارچە زەوی بەسەر فەرمانبەراندا دابەش دەكرێت.
لەلایەکی دیکەوە، ئیدارەی گەرمیان لە ڕاگەیەندراوێکدا ئاماژەی بەوەکرد، ڕەزامەندی درا بە تەرخانکردنی ٢ هەزار و ٤٧٤ پارچە زەوی بۆ فەرمانبەرانی نیشتەجێی سنووری ئیدارەی گەرمیان وەک وەجبەی یەکەم.
ئەمە لەكاتێكدایە، كە لە هەفتەی پێش هەڵبژاردانی پەرلەمانی كوردستانەوە دابەشكردنی زەوی لە هەولێر و سلێمانی لەلایەن شارەوانییەوە دەستی پێكردووە.