هەرێم نیوز
وتەبێژی بەڕێوەبەرایەتیی تەندروستیی کۆیە ڕایگەیاند، لە سنووری قەزای کۆیە بەھۆی ڕووداوێکی ھاتوچۆ منداڵێك گیانی لە دەست دا و سێ ھاووڵاتی دیكەیش بەسەختی بریندار بوون.
ھاوکار عەلی، وتەبێژی بەڕێوەبەرایەتیی تەندروستیی کۆیە لە لێدوانێکدا ڕایگەیاند، ڕووداوەکە لەسەر ڕێگەی تەقتەق بۆ کۆیە ڕووی داوە، کە لەجۆری پێکدادان بووە لەنێوان ئۆتۆمبیلێکی بارھەڵگر و ئۆتۆمبیلێکی تۆیۆتا ھیلۆکس بووە.
ئاماژەی بەوەشکرد، بەھۆی ڕووداوەکەوە سێ ھاووڵاتی بەسەختی بریندار بوون و بۆ چارەسەر ڕەوانەی نەخۆشخانەی فریاکەوتنی ھەولێر کراون.
ئەوەشی خستەڕوو، دواى گەیاندنیان بۆ نەخۆشخانە و بەهۆى سەختى برینەکەیەوە منداڵێکى تەمەن ٩ ساڵان بەناوى (باوان بڕیار ) گیانی لەدەست داوە.