سەرەکی
کوردستان
عێراق
جیهان
ڕاپۆرت و چاوپێکەوتن
بیروڕا
ئابوری
کۆمەڵایەتی
وەرزش
هەمەڕنگ
تەندروستی
کلتور
گەلەری
ڤیدیۆ
دواین هەواڵ
کوردستان
17/07/2021
گۆڕان: له‌گه‌ڵ یه‌كێتی تاوتوێی گۆڕینی سه‌رۆكی هاوپه‌یمانێتیه‌كه‌مان ده‌كه‌ین
هه‌رێم نیوز
سه‌رچاوه‌یه‌ك له بزوتنه‌وه‌ی گۆڕان رایگه‌یاند، له‌گه‌ڵ یه‌كێتی نیشتمانی كوردستان له گفتوگۆداین بۆ ئه‌وه‌ی رێگه‌یه‌ك بدۆزینه‌وه بۆ چاره‌سه‌ری سه‌رۆكی ئه‌و هاوپه‌یمانێتیه‌ی بۆ هه‌ڵبژاردنه‌كان دروستمانكردوه.
ئه‌وه‌شی وت: "پێگه‌ی جه‌ماوه‌ری و ناوبانگی سه‌رۆكی هاوپه‌یمانییه‌كه بۆ پرۆسه‌ی بانگه‌شه‌ی هه‌ڵبژاردن لە دواى دروستبونی کێشەکان، سودی لێ نابینرێــــت و له حاڵه‌تی مانه‌وه‌ی، له‌وانه‌یـــه پێچه‌وانه‌ی ئه‌و ئه‌نجامه به‌ده‌سته‌وه بدات كه ئێمه چاوه‌ڕوانی ده‌كه‌ین."
به وته‌ی سه‌رچاوه‌كه، ده‌رباز محه‌مه‌د، ئه‌ندامی خانه‌ی راپه‌ڕاندی گۆڕان، رێپێدراوی هاوپه‌یمانێتیه‌كه‌یه له كۆمسیۆن و ده‌سه‌ڵاتی ته‌واوی ئیداری و یاسایی هاوپه‌یمانێتیه‌كه‌ی هه‌یه‌و له‌وباره‌یه‌وه هیچ كێشه‌یه‌ك دروست نابێت.
هاوكات رونیشیكرده‌وه، كه سه‌باره‌ت به گۆڕین و ده‌ستنیشانكردنی هه‌ركه‌سێكی تر بۆ سه‌رۆكایه‌تی هاوپه‌یمانێتیه‌كه كه به‌پێی رێكه‌وتنه‌كه له یه‌كێتی نیشتمانی كوردستانه، بافڵ تاڵه‌بانی، له‌گه‌ڵ عومه‌ری سه‌ید عه‌لی، رێكخه‌ری گۆڕان و پرس و راوێژی ده‌بێت و تاكلایه‌نه هیچ هه‌نگاوێك به‌و ئاراسته‌یه هه‌ڵناگرێت.
بڕیاره هه‌ڵبژاردنی پێشوه‌ختی ئه‌نجومه‌نی نوێنه‌ران له 10-1-2021 به‌ڕێوه‌بچێت.
20-6-2021 بەئامادەبونی لێپرسراوانی باڵای یەكێتیی نیشتمانیی كوردستان و بزوتنەوەی گۆڕان لەشاری سلێمانی رێككەوتنی پێكهێنانی هاوپەیمانی هەڵبژاردن و بەیەكەوە كاركردن لەنێوان هەردو حیزبەكەدا بۆ هەڵبژاردنی پەرلەمانی عیراق ئیمزاكراو لاهور شێخ جه‌نگی كرا به سه‌رۆكی هاوپه‌یمانیه‌تیه‌كه.
رۆژی 30-4-2021 به ره‌سمی له كۆمسیۆنی باڵای سه‌ربه‌خۆی هه‌ڵبژاردنه‌كان هاوپه‌یمانێتیه‌كه تۆماركرابو.
رێككه‌وتنه‌كه به‌شێوازێكه یه‌كێتی و گۆڕان یه‌ك تیمی بانگه‌شه‌و هه‌ڵبژاردنیان ده‌بێت و كار ده‌كه‌ن بۆ سه‌ركه‌وتنی كاندیده‌كانیان له‌سه‌رجه‌م ناوچه‌كان، هه‌روه‌ها له‌ناوچه كێشه له‌سه‌ره‌كانیش له‌گه‌ڵ ژماره‌یه‌ك لایه‌نی دیكه‌ش لێكتێگه‌یشتنیان بۆ هه‌ڵبژاردنه‌كان هه‌یه.
له 8-7-2021 كێشه‌و ململانێ له نێوان هاوسه‌رۆكانی یه‌كێتی، سه‌ریهه‌ڵدا، كه كۆنترۆڵكردنی ده‌زگا ئه‌منی و سه‌ربازییه‌كان و داخستنی میدیاكانی لاهور شێخ جه‌نگی لێكه‌وته‌وه، سه‌ره‌نجام 15-7-2021 مه‌كته‌بی سیاسی یه‌كێتی كۆبوه‌وه تێیدا به‌شێوه‌یه‌كی فه‌رمی لاهور شێخ جه‌نگی، سازشی له‌سه‌رجه‌م ده‌سه‌ڵاته‌كانی خۆی كرد بۆ بافڵ تاڵه‌بانی، هاوكات بڕیاریشدراوه له زوترین كاتدا په‌یڕه‌وی ناوخۆی حیزبه‌كه هه‌موار بكرێته‌وه‌و تێیدا كۆتایی به سیسته‌می هاوسه‌رۆكی بهێنرێت.
به‌وپێیه‌ش تا هه‌مواركردنه‌وه‌ی په‌یڕه‌وه‌كه، لاهور شێخ جه‌نگی ناسناوی هاوسه‌رۆكی به‌شێوه‌یه‌كی فه‌رمی ده‌مێنێته‌وه، به‌ڵام له روی كردارییه‌وه هیچكام له ده‌سه‌ڵاته‌كانی پێشوتری نامێنێت.
رۆژی 12-7-2021، بافڵ تاڵه‌بانی له‌گه‌ڵ لاهور شێخ جەنگی كۆبوه‌وه سه‌باره‌ت به گرژییه‌كان، له‌و كۆبونه‌وه‌یه‌دا ڕاسته‌وخۆ پێشنیازێكی خستبوه به‌رده‌م لاهوری شێخ جه‌نگی و داوای لێكردبو، یه‌كێتی نیشتیمانی كوردستان ڕادەستی ئەو بكرێت و كۆتایی بە سیستمی هاوسەرۆكایه‌تی بهێنرێت‌و دۆخی یه‌كێتی بگه‌ڕێته‌وه بۆ سكرتێری گشتی، له‌به‌رامبه‌ریشدا لاهور شێخ جه‌نگی به‌و داواكارییه ڕازینه‌بوبو، ڕه‌تیكردبوه ئه‌وه قبوڵ بكات و وتبوی:"شتی وا هه‌رگیز قبوڵ نییه".
ئه‌مڕۆ 17-7-2021، به نوسراوی ره‌سمی، مه‌كته‌بی سیاسی یه‌كێتی سه‌رجه‌م ده‌سه‌ڵاته‌كانی له لاهور شێخ جه‌نگی وه‌رگرته‌وه‌و راده‌ستی بافڵ تاڵه‌بانی كرد.
هەواڵی پەیوەندیدار
10 کاتژمێر پێش ئێستا
بەتۆمەتی دزینی ماتۆڕسکیل دوو تۆمەتبار دەستگیر کران
16 کاتژمێر پێش ئێستا
ئەنجومەنی وەزیرانی هەرێم: هەموو نەرمییەکمان نواندووە چاوەڕێی بەغداین کۆتایی بە سیاسەتی نەناردنی مووچە بهێنێت
17 کاتژمێر پێش ئێستا
پلاندانانی عێراق: هەرێمی کوردستان کەمترین ڕێژەی هەژاریی تێدایە
هەواڵی زیاتر
24 کاتژمێر پێش ئێستا
ئەمڕۆ ئەنجومەنی وەزیران کۆدەبێتەوە
2 رۆژ پێش ئێستا
بابەکر زێباری: یەکخستنی ھێزی پێشمەرگە لە قۆناغی کۆتاییدایە
4 رۆژ پێش ئێستا
ناتانیاهۆ بۆ ترەمپ: ڕۆژهەڵاتی ناوەڕاست مەزن دەکەینەوە
زۆرترین بینراو
1
6 رۆژ پێش ئێستا
شەڕی سیخوری ، مەترسیدارترین بابەتی ململانێی تەلئەڤیڤ و تارانە!
2
2 رۆژ پێش ئێستا
رۆژنامەیەک؛ بەغدادو هەولێر گەیشتونەتە رێككةوتنی سەرەتایی
3
2 رۆژ پێش ئێستا
زانیاری لەبارەی ئەو منداڵەی بە دوو رووخسارەوە لەدایک بوو
4
4 رۆژ پێش ئێستا
مارکۆ ڕۆبیۆ: هەڕەشەی لەسێدارەدانی سکرتێری گشتیی ئاژانسی نێودەولەتیی وزەی ئەتۆمی قبوڵ ناکرێت
5
5 رۆژ پێش ئێستا
ماڵپەرێکی ئەمریكی؛ نوێنەری ترەمپ لەگەڵ مەزڵوم عەبدی و مەسرور بارزانی کۆدەبێتەوە
6
4 رۆژ پێش ئێستا
پەلەمانتارێک نهێنى راگرتنى مووچەى حەشدی شەعبی ئاشکرا دەکات
Copyright © 2020 All Rights Reserved Designed And Developed By AVESTA GROUP