هەرێم نیوز
کۆئاماری قوربانییانی ئەو لافاوە وێرانکەرەی سنوورەکانی نیپاڵ و چینی گرتووەتەوە بە شێوەیەکی بەرچاو بەرزبووەوە، تا ئێستاش زیاتر لە سێ هەزار کەس چارەنووسیان دیار نیست.
زیانە گیانییەکان لە نیپاڵ
ئەمڕۆ یەکشەممە، ٣٠ـی ئابی ٢٠٢٦، دەستەی بەڕێوەبردنی بارودۆخی فریاگوزاری لە نیپاڵ ڕایگەیاند، ئاماری قوربانییانی ئەو لافاوە وێرانکەرەی ڕۆژی چوارشەممەی ڕابردوو باکووری نیپاڵی لە نێزیک سنوورەکانی چین گرتەوە، بە شێوەیەکی بەرچاو بەرزبووەتەوە و گەیشتووەتە ٧٣٤ گیانلەدەستدان و دوو هەزار و ٤٩٨ بێسەروشوێن.
زیانەکانی هەمان لافاو لە خاکی چین
هاوکات لەسەر خاکی چین، میدیا فەرمییەکانی ئەو وڵاتە بڵاویان کردەوە، ژمارەی گیانلەدەستدان بەهۆی هەمان شەپۆلی لافاوەوە گەیشتووەتە ١٦ کەس، لە کاتێکدا ٥٤٦ کەسی دیکە تاوەکو ئێستا بێسەروشوێنن.
کۆی گشتیی ئامارەکان و بەردەوامیی هەوڵەکانی فریاگوزاری
بەپێی دواین ئامارەکان، کۆی گشتیی قوربانییانی ئەم کارەساتە سروشتییە لە هەردوو وڵات گەیشتووەتە ٧٥٠ گیانلەدەستدان، هەروەها چارەنووسی سێ هەزار و ٤٤ کەسی دیکەش تاوەکو ئێستا بەنادیاری ماوەتەوە.
تیمەکانی فریاگوزاری لە نیپاڵ و چین بەردەوامن لە هەوڵەکانیان بۆ گەڕان بەدوای بێسەروشوێنبووەکاندا، هەرچەندە بەهۆی سەختیی ناوچەکە و وێرانبوونی ڕێگەوبانەکانەوە، پرۆسەی ڕزگارکردن بە سستی بەڕێوە دەچێت.