دواین هەواڵ

وەرزش‌

 5 رۆژ پێش ئێستا

بە بڕیاری حکومەت پەخشی هەندێک کەناڵ ڕادەگیرێت

هەرێم نیوز

وەزارەتی گواستنەوە و گەیاندنی هه‌رێمی كوردستان ڕایدەگەیەنێت، بڕیاریداوه‌ به‌ راگرتنی پەخشی هەندێک کەناڵ كه‌ به‌بێ مۆڵه‌ت به‌خشی كه‌ناڵی (BEIN SPORTS) ده‌كه‌ن، ده‌شڵێت، هەر کەناڵێک بیەوێت لە رێگەی ئینتەرنێتەوە پەخشی دامەزراوەی (BEIN SPORTS) بکات پێویستە لەرێگای بریکاری فەرمی ئەو دەزگایە بێت لە بەر پاراستنی مافی خاوەندارێتی فیکری و یاسایی بەپێی یاسا و رێنماییە بەرکارەکان.

 ئه‌مڕۆ سێشه‌ممه‌، وەزارەتی گواستنەوەو گەیاندنی هه‌رێمی كوردستان له‌ ڕاگه‌یگەیاند، "لە ڕێگەی بەرێوەبەرایەتی گشتی پۆستە و گەیاندن  لە 17ی 11ی 2025 بە نوسراوی فەرمی کۆمپانیاکانی بواری ئینتەرنێت ئاگادار دەکاتەوە بە راگرتنی پەخشی کەناڵەکانی (بین سپۆرت) کە لە رێگەی پەخشی ئۆنڵاین لە هەندێک کەناڵی ناوخۆییەکان بەنا یاسایی بەشێوازی (IPTV)  پەخش دەکرێن".

ئاماژه‌ی به‌وه‌شكردوه‌، بڕیاره‌كه‌ بۆ رێگرتنه‌ لەو سەرپێچیە نا یاساییە و پارێزگاریکردن لە مافی پەخش و بڵاوکرنەوە، وەزارەته‌كه‌  رێگری دەکات و پێویستە لەماوەی یەک مانگدا کۆمپانیاکانی خزمەتگوزاری ئینتەرنێت رایانبگرن. 

وەزارەتی گواستنەوەو گەیاندنی هه‌رێم ده‌ڵێت، "هەر کەناڵێک بیەوێت لە رێگەی ئینتەرنێتەوە پەخشی دامەزراوەی (BEIN SPORTS) بکات پێویستە لەرێگای بریکاری فەرمی ئەو دەزگایە بێت لە بەر پاراستنی مافی خاوەندارێتی فیکری و یاسایی بەپێی یاسا و رێنماییە بەرکارەکانی حکومەتی هەرێمی کوردستان".

BEIN SPORTS تۆڕێکی فرەنەتەوەیی قەتەرییە لە کەناڵە وەرزشییەکان کە لەلایەن گروپی میدیایی beIN خاوەندارێتی دەکرێت و بەڕێوەدەبرێت، ئەو تۆڕە ڕۆڵێکی گەورەی بینیوە لە زیادکردنی بازرگانیکردنی وەرزشی قەتەر، سەرۆکی کۆمپانیاکە ناسر خلێفییە و بەڕێوەبەری جێبەجێکاری کۆمپانیاکە یوسف عوبەیدلییە.

beIN Sports کەناڵی وەرزشی تەلەفزیۆنی باڵادەستە لە ڕۆژهەڵاتی ناوەڕاست و باکووری ئەفریقا، هەروەها کەناڵەکانی لە فڕەنسا، ئەمریکا، کەنەدا، ئوسترالیا، نیوزلاند، تورکیا، هۆنگ کۆنگ، سەنگافورە، برونێی، مالیزیا، ئەندەنوسیا، فلیپین و تایلەند بەڕێوەدەبات.



Copyright © 2020 All Rights Reserved Designed And Developed By AVESTA GROUP