هەرێم نیوز
هاتووچۆی ڕاپەڕین ڕایگەیاند، هەر شۆفێرێک سەرپێچی بکات و ئۆتۆمبێلەکەی بەشێوەی لار رابگرێت سزای یاسایی دەدرێت.
بەڕێوەبەرایەتی هاتوچۆی راپەڕین رێنماییەکی نوێی بۆ ئەو شۆفێرانە دەرکرد کە ئۆتۆمبێلەکانیان لەسەر رێگەی گەڕەکی نەورۆز بۆ رانیە رادەگرن و دەبێت راگرتنەکە بەشێوەی رێک بێت.
رێنماییەکە لە ئەمڕۆ دووشەممە 17.3.2025ـەوە لە شەو و رۆژدا دەکەوێتە بواری جێبەجێکردن بۆ هەردوو سایدی شەقامی گەڕەکی نەورۆز بۆ رانیە.
هاتوچۆی راپەڕین ئەوەشی خستەڕوو، دەبێت لەکاتی راگرتنی ئۆتۆبێلەکانیان بەشێوەی رێک، چواری دابگیرسێنن و راگرتنەکەیان کاتی بێت.
ئاماژەی بەوەشکرد، راگرتنەکە هاوشـێوەی سەنتەری بازاڕی رانیە بێت، کە گوزارشتە لە راگرتنی کاتی، هەر شۆفێرێک سەرپێچی بکات و ئۆتۆمبێلەکەی بەشێوەی لار رابگرێت، تووچی لێپرسینەوە و سزای یاسایی دەبێت.