دواین هەواڵ

کوردستان‌

 3 کاتژمێر پێش ئێستا

گەڕی دووەمی کۆبوونەوەکان بۆ پڕۆسەی ئاشتی لە توركیا دەستیپێکرد

هەرێم نیوز 

شاندی دەم پارتی دەربارەی دوا بانگەوازی ئۆجەلان بۆ پرۆسەی ئاشتی، لەگەڵ مەهەپە و ئاکپارتی  کۆدەبێتەوە.

دووشەممە، 17ـی ئاداری 2025، شاندێکی دەم پارتی لەگەڵ مەهەپە کۆبووەوە و کەمێکی دیکەش لەگەڵ ئاکپارتی کۆ دەبێتەوە.

گەڕی دووەمی سەردانەکانی دەم پارتی بۆ لای پارت و لایەنە سیاسییەکان دەستی پێ کردووە و ئەمڕۆ توڵای هاتیمئۆغڵولاری و تونجەر باکرهان، هاوسەرۆکانی دەم پارتی، سەردانی فراکسیۆنی بزووتنەوەی نەتەوەیی "مەهەپە"یان کرد و دواتریش لەگەڵ فراکسیۆنی پارتی داد و گەشەپێدان "ئاکپارتی" کۆ دەبنەوە.

 بڕیارە لە کۆبوونەوەکاندا قۆناغی دوا بانگەوازەکەی ئۆجەلان و پرۆسەی نوێی ئاشتی تاوتوێ بکەن. 

پێشتر شاندی ئیمڕاڵی ڕایانگەیاندبوو، رۆژی 17ـی ئەم مانگە لەگەڵ فراکسیۆنی مەهەپە و ئاکپارتی لە پەرلەمانی تورکیا کۆدەبنەوە بۆ تاوتوێکردنی قۆناغی دوای بانگەوازەکەی ئۆجەلان و پرۆسەی نوێی ئاشتی.



Copyright © 2020 All Rights Reserved Designed And Developed By AVESTA GROUP