هەرێم نیوز
تەقینەوەیەکی بەهێز لە گەڕەکی ڕەمل لە باشووری شاری لازقییەی سووریا ڕوویدا و پارێزگای لازقییە دەڵێت، سێ کەس گیانیان لەدەستداوە و 12 کەسیش بریندارن
ئەمڕۆ شەممە 15ـی 3ی 2025، ئاژانسی هەواڵی سووریا "سانا" بڵاوی کردەوە، تەقینەوەیەکی بەهێز لە گەڕەکی رەمل لە باشووری شاری لازقییەی سووریا ڕووی دا و تا ئێستا هۆکاری تەقینەوەکە نەزانراوە.
پارێزگای لازقییە رایگەیاند، سێ کەس گیانیان لەدەستداوە و 12 کەسیش بریندارن.
لای خۆیەوە بەرگریی شارستانی سووریا، لە ڕاگەیەندراوێکدا، دەڵێت: بەهۆی تەقینەوەکە باڵەخانەیەکی چوار نهۆمی خاپوور بووە و ژمارەیەک هاووڵاتی لەژێر داروپەردووی باڵەخانەکەدا گیریان خواردووە، تیمەکانی فریاگوزاری لە هەوڵی ڕزگارکردنیان دان.
لەلایەکی دیکەوە، پارێزگای لازقییە، لە ڕاگەیەندراوێکدا ئاشکرای کرد، بەهۆی تەقینەوەکە تا ئێستا 3 کەس گیانیان لەدەستداوە و 12ـی دیکەش بریندرابوون، ئەمە جگە لەوەی ژمارەیەک هاووڵاتی لەژێر داروپەردووی باڵەخانەکەدا ماون.