هەرێم نیوز
سەرۆکی لیژنەی ئاسایشی نیشتمانی کنێستی ئیسرائیل ڕایگەیاند، "سوریا دەبێتە پردی ئیسرائیل بۆ گەیشتن بە فورات و لە داهاتوودا دەگەینە عێراق و کوردستان".
بەعیز بسومس، سەرۆکی لیژنەی ئاسایشی نیشتمانی کنێستی ئیسرائیل، لە لێدوانێکدا ڕایگەیانە: "ئێمە ڕێگە نادەین لە دوای ڕووخانی ڕژێمی ئەسەد هێزێکی سەربازی لە سوریا سەرهەڵبدات و توانای سەربازی هەبێت".
باسی لەوەشکرد: “دیمەشق دەبێت لە ژێر کۆنترۆڵی تەواوەتی ئیسرائیلدا بێت و دڵنیا دەبینەوە لەوەی کە دێتە ژێر دەسەڵاتی ئێمەوە".
ئاشکراشیکرد: "سوریا دەبێت ببێتە پردی ئیسرائیل بۆ گەیشتن بە فورات و لە داهاتوودا دەگەینە عێراق و کوردستان".