هەرێم نیوز
دوای 15 ڕۆژ لە مانگرتنی بەشێک مامۆستایان و فەرمانبەرانی ناڕازی، مانگرتنەکەیان شکاند.
ئەمڕۆ سێشەممە،11ی 2ی 2025 ، دوای گردبوونەوەی جەماوەری لە هەموو چین و توێژەکان و داخستنی بازاڕی شاری سلێمانی ، بۆ شکاندنی مانگرتنی بەشێک لە مامۆستایان و فەرمانبەرانی ناڕازی، دواجار دوای ١٥ ڕۆژ لەژێر فشاری خەڵکدا، مانگرتنیان شکاند.
داواکاری سەرەکیی مانگرتووانی سلێمانی ئەوەیە کە مانگانە لەکاتی خۆیدا مووچە دابەشبکرێت، هەروەها بەجێکردنی مووچەکانیان و گەڕانەوەی پلەبەرزکردنەوەش بەشێکی دیکەی داواکانیانە.
ئەمەش لە کاتێکدایە، ڕۆژی 26ی 1ی 2025 ، بەشێک لە مامۆستایان و فەرمانبەرانی ناڕازی، دژی دواکەوتنی مووچە و بۆ داواکردنی مافەکانیان، خێمەی ناڕەزایەتیان لە بەردەم بارەگای یو ئێن لە سلێمانی هەڵدا و مانگرتنیان لە خواردن ڕاگەیاند.