هەرێم نیوز

کەشناسیی هەرێم پێشبینی کەشوهەوای بڵاوکردەوە و بەگوێرەی پێشبینییەکان، سبەی لە زۆربەی ناوچەکانی هەرێمی کوردستان باران دەبارێت.

بەپێی کەشناسی، ئەمڕۆ  هەینی ئاسمان ساماڵ و پەڵە هەور  دەبێت، لە ئێوارەدا دەگۆڕێت بۆ نیمچە هەور. پلەکانی گەرماش نزیک دەبێتەوە لە تۆمارکراوەکانى دوێنێ.

سەبارەت بە سبەی  شەممە؛ ئاسمان لە نێوان نیمچە هەور و هەوری تەواو دەبێت. لە كاتەكانی دوای نیوەڕۆ نمە باران لە هەندێك ناوچە دەبارێت پاشان لە شەودا كاریگەری دابارین زیاد دەكات و نمە باران و بارانی مامناوەند لە زۆربەی ناوچەكان دەبارێت بە تایبەت لە سنوری پارێزگای دهۆك و سلێمانی و ئیدارە سەربەخۆكانی سۆران و ڕاپەڕین.

هەروەها پێشبینی بارینی بەفرێكی كەم دەكرێت لە ناوچە شاخاوییە سنوریەكان.

پلەکانی گەرما بە نزیكی 2 تا 4 پلە نزمتر دەبێت بەراوورد بە تۆمارکراوەکانى ئەمڕۆ. 

بەرزترین پلەکانی گەرمای پێشبینیکراو بە پلەی سیلیزی:

هەولێر     : 14 پلەى سیلیزى

سلێمانی  : 12 پلەى سیلیزى

دهۆک     : 15 پلەى سیلیزى

کەرکوک  : 17 پلەى سیلیزى

هەڵەبجە : 12 پلەى سیلیزى

زاخۆ      :  15 پلەى سیلیزى

گەرمیان  :   17 پلەى سیلیزى