هەرێم نیوز
وه‌زاره‌تی سامانه سروشتییه‌كان ڕایدەگەیەنێت، رێوشوێنی توند ده‌گیرێته‌به‌ر به‌رانبه‌ر ئه‌و به‌نزینخانانه‌ی كه سه‌رپێچی ده‌كه‌ن له بڕ و كوالێتی و دابه‌شكردنی به‌نزینی جۆری نۆرماڵ كه نرخه‌كه‌ی 750 دیناره بۆ هه‌ر لیترێك.
وەزارەتەکە دەشڵێت، لیژنه‌یه‌كی باڵای وه‌زاره‌ت بۆ دواداچوون و چاودێریكردنی پرۆسه‌ی دابه‌شكردنی به‌نزینی 750 دیناری، له سنووری پارێزگا و ئیداره سه‌ربه‌خۆكان پێكهاتووە.
ڕوونی کردووەتەوە كه لیژنه‌ی پارێزگای هه‌ولێر، به دواداچوونی مه‌یدانی بۆ پرۆسه‌ی دابه‌شكردنی به‌نزین له به‌نزینخانه‌كان كرد كه له پرۆسه‌ی وه‌رگرتن و پشكنین و دابه‌شكردن پێكهاتووه، له كۆتایی پرۆسه‌كه‌شدا رێوشوێنی توند به‌رانبه‌ر سه‌رپێچیكاران ده‌گیرێته‌به‌ر.