هەرێم نیوز
دەزگای ئاسایشی هەرێم ڕایگەیاند، دەستبەسەر بیست کیلۆ و نۆسەد و شەست و پێنچ گرام ماددەی هۆشبەردا گیرا و هاوکات بەوهۆیەوە دوو بازرگان دەستگیرکران.
بەڕێوەبەرایەتی دەزگای ئاسایشی هەرێمی کوردستان لە ڕاگەیەندراوێکدا ڕایگەیاند، لەشەوی ٢٠٢٤/١٢/١٢ بەڕێوەبەرایەتی نەهێشتنی ماددە هۆشبەرەکان بەهاوکاری بەڕێوەبەرایەتی ئاسایشی شارەزوور، لەئەنجامی لێکۆڵینەوە و بەدواداچوون و لەسەر بنەمای زانیاری و چاوودێری وورد.
ئاماژەی بەوەشکرد، بەبڕیاری دادوەری لێکۆڵینەوە ئاسایش، توانیان دوو بازرگانی ماددەی هۆشبەر لەناحیەی (خورماڵ)دەستگیربکرێن و بڕی ( ٢٠،٩٦٥) بیست کیلۆ و نۆسەد و شەست و پێنچ گرام ماددەی هۆشبەر لەجۆری (کریستاڵ) دەستیبەسەردا بگیرێت.
ئاشکراشیکرد، بازرگانان ئامانجیان بووە ماددەکان لەپارێزگاکانی هەرێم و عێراق ساغ بکەنەوە.
ڕوونیشیکردەوە، لەئێستادا تۆمەتباران بەماددەی (٢٥)لەیاسای بەرەنگاربوونەوەی ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسیەکانیان بەردەوامە.