هەرێم نیوز
فەرماندەی گشتى هێزەکانى سوریاى دیموکرات، رایدەگەیەنێت کە بە نێوەندگیرى ئەمەریکا لە مەنبەج ئاگربەستکراوە و لە پێناو پاراستنی ئاسایش و سەلامەتی هاووڵاتییان و داهاتووی وڵات چەکدارانیان لە شارەکە دەبەنە دەرەوە.
مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) رایگەیاند: لەکاتێکدا بەرگریی شەڕڤانانمان لە منبج بەردەوامە بۆ رێگریکردن لە هێرشەکان لە رۆژئاوای فووڕاتەوە، بە نێوەندگیریی ئەمریکا گەیشتینە رێککەوتنێک بۆ وەستاندنی شەڕ لە منبج ئەمەش لەپێناو ئاسایش و سەلامەتیی خەڵکی سڤیل.
لە راگەیێندراوەکەی بەرەبەیانیی ئەمڕۆیدا، مەزڵووم عەبدی هەروەها دەڵێ "شەڕڤانانی ئەنجوومەنی سەربازیی منبج کە لە ٢٧ی نۆڤەمبەرەوە بەرگری دەکەن، بە زووترین کات لە ناوچەکە دەردەچن. ئامانجمان وەستاندنی شەڕە لە هەموو خاکی سووریا، هەروەها چوونە نێو پرۆسەیەکی سیاسییە لەپێناو داهاتووی وڵات."