هەرێم نیوز
وتەبێژی وەزارەتی كارەبا ڕایگەیاند، بەهۆی نەبوونی دەوامی فەرمانگەکانەوە تارۆژی یەکشەممە کارەبای نیشتمانی ١٧ کاتژمێر رۆژانە دەبێت.
ئەمڕۆ چوارشەممە 20-11-2024، ئومێد ئەحمەد، وتەبێژی وەزارەتی كارەبا لە بڵاوکراوەیەکدا رایگەیاند، لە هەردوو رۆژی پشووی سەرژمێری تاوەکو رۆژی یەكشەممەی داهاتوو ١٧ کاتژمێر کارەبای نیشتیمانی بە هاوڵاتییان دەدرێت.
ئاماژەی بەوەشکرد، تیمەکانی کارەبا لە بەرهەمهێنان و گواستنەوە و دابەشكردن و كۆنترۆڵی كارەبا بە بەرنامەیەكی تایبەتەوە ئەم بڕە كارەبایە بۆ هاونیشتمانییان دابیندەكەن.
ئەوەشی خستەڕوو، تیمەكانی چاككردنەوەی كارەبا بۆ چارەسەرکردنی هەر جۆرە گرفتێک بە شێوەی ئیشكگری لە دەوام دەبن و بۆ خزمەتکردنی هاوبەشانی کارەبا لەسەر هێڵ دەبن.