هەرێم نیوز
هاتووچۆی هەڵەبجە ڕایگەیاند، “داوا لە هاوڵاتیان دەکەین لە ڕۆژی بەڕێوەچوونی ڤیستیفاڵی هەنار کەمترین ئامرازەکانی گواستنەوە بەکاربهێنن”.
بەڕێوەبەرایەتی هاتوچۆی هەڵەبجە لە بەیاننامەیەکدا ڕایگەیاند: “داوا لە دانیشتوان و شۆفێرانی سنوری پارێزگای هەڵەبجە دەکات لەپێناو گەشەپێدانی ڤیستیڤاڵی هەنارو پایزی هەڵەبجە وە کار ئاسانی زیاتر بۆ هاتووچۆ و هاتنی میوانەکانی دەرەوەی پارێزگا کەمترین ئامرازەکانی گواستنەوە بەکاربهێنن”.
ڕوونیشیکردەوە: “هەروەك چۆن لەڕابردودا هەڵەبجە میواندۆستیان سەلماندووە لە شەقامەکان ئۆتۆمبێل و ماتۆرسکێل رانەگرن تاسیمای جوانی و میواندۆستی هەلەبجەو هەلەبجەییەکان زیاتر بسەلمێنین هەولبدەین هەموان رێنوێنی میوانەکان بین”.