هەرێم نیوز
کارەبای گەرمیان ڕایگەیاند، بەهۆی چاكسازی لە هێڵەكان بۆ ماوەی دوو ڕۆژ پێدانی كارەبای نیشتمانی لە كفری و سەرقەڵا ڕادەگیرێت.
ئەمڕۆ یەکشەممە 27-10-2024، بەڕێوبەرایەتی گشتی کارەبای گەرمیان لە ئاگادارییەکدا ڕایگەیاند: “ئاگاداری هاوڵاتیانی سنوری قەزای کفری و ناحیەی سەرقەڵا دەکەینەوە، بەهۆی چاکسازیکردن لەهێڵی (132kv) و ئامادەکاری بۆ هاتنی وەرزی زستان دوو ڕۆژ كارەبا نابێت".
ڕوونیشیکردەوە: “سبەی و دوو سبەی، واتە دووشەممە و سێشەممە ٢٨ و ٢٩ی تشرینی یەکەم کارەبای نیشتمانیان نابێت”.
ئەوەشی خستەڕوو: “لەکاتژمێر (٨)ی بەیانی بۆ کاتژمێر (٢)ی نیوەڕۆ ئەوەش بۆ سەلامەتی تیمەکانی کارکردن".