هەرێم نیوز
دوای ئەوەی لە تۆڕەکۆمەڵایەتییەکان ڤیدیۆی هێرشکردنە سەر خواردنگەیەک بەچەک لە هەولێر بڵاوکرایەوە، ئاسایشی هەولێر ڕایگەیاند کە تۆمەتبارەکەی دەستگیرکردووە.
ئاسایشی هەولێر لە ڕاگەیەندراوێکدا ڕایگەیاند، لەڕێکەوتی ٢٠٢٤/٨/٢٠ تۆمەتبار (أ ، م ،ع) لەگەڕەکی هەولێری نوێی شاری هەولێر لەسەر کێشەیەکی کۆمەڵایەتی بەچەکێکی بێ مۆڵەت هێرشی کردۆتە سەر هاوڵاتیەک لەشوێنی کارەکەی و چەند فیشەکێکی تەقاندوە، لەسەر ئەم تۆمەتە بەفەرمانی دادوەری لێکۆڵینەوەی ئاسایشی هەولێر دەستگیرمان کرد.
ئاسایشی هەولێر دەڵێت، داوا لە هاوڵاتیان دەکەین لەکاتی بوونی هەر کێشەیەکی کۆمەڵایەتی پەنا نەبەنە بەکارهێنانی چەک و خۆیان کێشەکانی خۆیان یەکلای نەکەنەوە ،بەڵکو بەڕێگای یاسا داوای مافی خۆیان بکەن ،هەروەها هەرکەسێک چەک بەکاربهێنێت و تەقە بکات لە لایەن هێزەکانمانەوە دەستگیر دەکرێت
سوپاسی هەر هاوڵاتیەک دەکەین کە پابەندە بە جێ بەجێ کردنی یاساوە.