دواین هەواڵ

کوردستان‌

 4 رۆژ پێش ئێستا

ئەنجومەنی وەزیران پرسی موچەی هێزە ئەمنیەکان و چەند پرسێکیتر تاوتوێ دەکات

هەرێم نیوز

ئه‌مڕۆ چوارشه‌ممه‌، به‌ سه‌رپه‌رشه‌تیی مه‌سرورو بارزانی، سه‌رۆكی حكوومه‌تی هه‌رێمی كوردستان، ئه‌نجوومه‌نی وه‌زیران بۆ چه‌ند پرسێكی گرنگ كۆ ده‌بێته‌وه‌، له‌نێوانیان مووچه‌ی مووچه‌خۆران و هێزه‌ ئه‌منییه‌كان، ڕێكخستنه‌وه‌ی سیسته‌می باج له‌ نێوان  هه‌ولێر و به‌غدا، ده‌رئه‌نجانی گفتوگۆی به‌غدا و هه‌ولێر له‌باره‌ی ده‌روازه‌ سنوورییه‌كان.

بەپێی کارنامەى کۆبونەوەکەى ئەمڕۆى ئەنجومەنى وەزیران، تەوەرى یەکەمى کۆبونەوەکە تایبەت دەبێت بە دەرئەنجامى کۆبونەوەى هاوبەشى هەردوو حکومەتى هەرێم و فیدراڵ تایبەت بە پرسى دەروازە سنورییەکان و ئەم بابەتەش لەلایەن هەردو وەزیرى دارایی و ناوخۆ پێشکەش دەکرێت کە بەشدارى کۆبونەوەکە بون.

تەوەرى دوەمى کۆبونەوەکە لەبارەى پرسى موچەى هێزە ئەمنییەکانە و موچەخۆرانە، لە کۆبونەوەکەدا وەزیرى دارایی و ئابورى حکومەتى هەرێمى کوردستان  بەدواداچونەکانى بۆ بابەتى موچەى مانگى 6ـى موچەخۆرانى هەرێم و موچەى هەرد و مانگەکانى 5 و 6 ى هێزە ئەمنییەکان (پێشمەرگە و ئاسایش) پێشکەش دەکات.

و باس لە دوا پێشهاتى بابەتى وردبینى و پێداچونەوەى لیستى موچەى هێزە ئەمنییەکان لەلایەن تیمى هاوبەشى چاودێرى دارایی هەرێم و فیدراڵ دەکرێت.

هەروەک کارەکانى هەردوو تیمى هاوبەشى حکومەتەکانى هەرێم و فیدراڵ تایبەت بە پرۆسەى هاوبەشى یەکخستنەوەى رێکارە داراییەکان و سیستمى باج لەنێوان هەولێر و بەغداد دەخرێتەڕو.



Copyright © 2020 All Rights Reserved Designed And Developed By AVESTA GROUP