دواین هەواڵ

جیهان‌

 11 کاتژمێر پێش ئێستا

سعودیە دوو فڕۆکەی بێفڕۆکەوانی حوسییەکان لە ئاسمانی مەککە تێکدەشکێنێت

هەرێم نیوز

وەزارەتی بەرگریی عەرەبستانی سعودیە لە بەیاننامەیەکی فەرمیدا ڕایدەگەیەنێت کە سیستەمی بەرگریی ئاسمانیی وڵاتەکەیان توانیویەتی دوو فڕۆکەی بێفڕۆکەوان کە لەلایەن حوسییەکانی یەمەنەوە ئاراستە کرابوون لە ئاسمانی ناوچەی مەککە تێکبشکێنێت بەبێ ئەوەی هیچ زیانێکی گیانی و مادی لێبکەوێتەوە یان ئامانجە سەرەکییەکەی ئەو هێرشانە بە دیاریکراوی ئاشکرا بکرێت.

ئەمڕۆ یەکشەممە، 15ـی 11ـی 2026، بەگوێرەی سکای نیوز ئەم ڕووداوە بەشێکە لە زنجیرەیەک هێرشی یەک لەدوای یەکی گرووپی حوسییەکان بۆ سەر خاکی سعودیە و وتەبێژی وەزارەتی بەرگریی ئەو وڵاتەش وتی تەنیا لە چەند ڕۆژی ڕابردوودا و بەتایبەتی لە ڕۆژانی یازدە و دوانزە و چواردەی ئەم مانگەدا چەندین فڕۆکەی بێفڕۆکەوان و مووشەکی بالیستی ئاراستەی ناوچەکانی مەککە و ڕیاز و ناوچەکانی باشووری وڵاتەکە کراون کە سەرجەمیان لەلایەن هێزەکانی بەرگرییەوە پێش گەیشتن بە ئامانجەکانیان لەناوبراون و پاشماوەکانیشیان لە چەند ناوچەیەکی چۆڵدا کەوتوونەتە خوارەوە. 

لە بەرامبەر ئەم تۆمەتانەدا سەرکردەکانی گرووپی حوسییەکان بەردەوام ڕەتیدەکەنەوە کە شاری مەککە و مەدینە یان هیچ ناوچەیەکی پیرۆزیان کردبێتە ئامانج و جەخت لەوە دەکەنەوە کە ئۆپەراسیۆنەکانیان تەنیا بۆ لێدانی پێگە سەربازی و ناوەندە ستراتیژییەکانی عەرەبستانی سعودیە جێبەجێ دەکرێن لە کاتێکدا وەزیری دەرەوەی میسر ئاشکرای کردووە کە هێزەکانی وڵاتەکەی لە چەند مانگی ڕابردووەوە لەناو خاکی سعودیەن بۆ هاوکاریکردن لە پاراستنی ئاسایشی ناوچەکە و بەرپەرچدانەوەی هەر هەڕەشەیەک کە ڕووبەڕووی ئەو وڵاتە ببێتەوە.



Copyright © 2020 All Rights Reserved Designed And Developed By AVESTA GROUP