هەرێم نیوز
بەڕێوەبەرایەتیی هاتووچۆی سلێمانی ڕایدەگەیەنێت، بەپێی یاسای هاتووچۆ ڕاگرتنی سوارڕەوە بارهەڵگرەکان بە هەموو جۆرەکانییەوە لە کۆڵان، گەڕەک و ناوچەکانی نیشتەجێبوون بە تەواوی قەدەغەیە.
ئەمڕۆ چوارشەممە، 2ـی ئەیلوولی 2026، هاتووچۆی سلێمانی ڕایگەیاندووە کە ڕاگرتنی بارهەڵگرەکان لە ناو ناوچەکانی نیشتەجێبوون جگە لە سەرپێچیی یاسایی، ئەگەری مەترسیی گڕگرتن و ئاگرکەوتنەوەشیان لێ دەکەوێتەوە.
ئاماژەی بەوەش کراوە، مەفرەزەکانی هاتووچۆ لێپرسینەوە، بەدواداچوون و ئیجرائاتی یاسایی دەکەن دژ بەو شۆفێرانەی ئەم جۆرە سەرپێچییانە ئەنجام دەدەن.