هەرێم نیوز
سەرچاوەیەکی ئەمنی لە عێراق ڕایگەیاند، بەهۆی سەرهەڵدانەوەی گرژی و ئاڵۆزییەکانی نێوان ئەمریکا و ئێران، سەرجەم بارەگاکانی حەشدی شەعبی لە پارێزگای ئەنبار چۆڵ کراون.
کەمکردنەوەی ژمارەی چەکداران و ڕێکارە سەرەتاییەکان
ئەمڕۆ دووشەممە، ٣١ـی ئابی ٢٠٢٦، سەرچاوەیەکی ئەمنی لە لێدوانێکدا بۆ میدیاکان ڕایگەیاند، ڕێوشوێنەکانی چۆڵکردنی بارەگاکانی حەشدی شەعبی خۆی لە کەمکردنەوەی تەواوەتیی ژمارەی چەکداران لە ناو بارەگاکاندا دەبینێتەوە.
ئاماژەی بەوەش کرد، تەنیا چەند چەکدارێکی نیشتەجێی پارێزگای ئەنبار بۆ پاسەوانیکردن و پاراستنی سەربازگەکان لە ناو ناوەندەکاندا دەمێننەوە.
سیستەمی نوێی دەوام و خۆپارێزی لە بۆردومان
سەرچاوەکە ڕوونی کردەوە، کارکردن و دەوامی ناو بارەگاکان کراوەتە نۆرەیی، بە شێوازێک هەر ڕۆژەی بەشێک لە ئەفسەران و بەرپرسانی بارەگاکان دێنە سەر کارەکانیان و لە یەک کاتدا کۆنابێنەوە. جەختیشی کردەوە کە ئەم هەنگاوانە ڕێکاری خۆپاراستنن بۆ کەمکردنەوەی زیانە گیانی و ماددییەکان لە ئەگەری ئامانجگرتن و بۆردومانکردنی سەرپێگەکاندا.
پاشخانی ئاڵۆزی و پێکدادانەکانی نێوان واشنتن و تاران
ئەم ڕێکارانەی دەستەی حەشدی شەعبی لە کاتێکدا جێبەجێ دەکرێن کە شەوی ڕابردوو هێزەکانی ئەمریکا بۆردومانی چەند ئامانجێکیان لە دوورگەی "لارک"ی ئێرانی کردووە.
لە بەرامبەردا، ئێران هێرشی مووچەکی و درۆنیی بۆ سەر بنکە سەربازییەکانی ئەمریکا لە وڵاتانی ئوردن و ئیمارات ئەنجام دا. تاوەکو ئێستاش ڕوون نییە کە ئایا ئەم ئاڵۆزییانە بەرەو ئارامبوونەوە دەچن یان زیاتر پەرە دەستێنن.