هەرێم نیوز
بەڕێوەبەرایەتی گشتی ئۆپراسیۆنەکانی ئاسایش رایدەگەیەنێت، بەهەماهەنگی دەزگای دژەتیرۆری عێراق لە سنوری سلێمانی و ئیدارەی راپەڕین توانییان دوچەکداری تیرۆریستی داعش دەستگیربکەن.
بەڕێوەبەرایەتی گشتی ئۆپراسیۆنەکانی ئاسایش له راگهیهندراوێكدا بڵاویكردهوه، "لە دوو چالاکی جیاوازدا، لەدوای بەدواداچون و ئەنجامدانی لێکۆڵینەوەی ورد، توانرا هەردو تیرۆریستی داواکراو لە سنوری سلێمانی و ئیدارەی ڕاپەڕین دەستگیربکرێن".
ئاماژهی بهوهشكردوه، لە دوای ئەنجامدانی چالاکییەکان "ژن و منداڵی یەکێک لە تیرۆریستەکان" ڕزگارکرا کە لەڕابردودا لەلایەن ئەو چەکدارە تیرۆریستەوە دەستبەسەرکرابون.
بهگوێرهی راگهیهندراوهكهی بەڕێوەبەرایەتی گشتی ئۆپراسیۆنەکانی ئاسایش، لەئێستادا تیرۆریستان بە ماددەی 2ی یاسای تیرۆر دەستگیرکراون و لێکۆڵینەوە لەدۆسییەکانیان بەردەوامە.
توندوتۆڵکردنی ئاسایش لە هەرێمی کوردستان بەردەوامە و هێزە ئەمنییەکان لە ئۆپەراسیۆنە هاوبەشەکانیان لەگەڵ هێزە فیدراڵییەکاندا چەندین چهكداری داعشیان دەستگیرکردوە. هەروەها هەوڵەکانی حکومەت چڕکراونەتەوە بۆ ڕێگریکردن لە هەر دزەکردنێک و پڕۆسەی وەرگرتنەوەی چەکداران لە سوریا.
هەواڵگریی سەربازیی عێراق بە هەماهەنگیی هێزە ئەمنییەکان، ئۆپەراسیۆنی وردیان لە پارێزگاکانی دیالە، کەرکوک و نەینەوا ئەنجامداوە و لە چەندین هەڵمەتی جیاوازدا چەندین چهكداری داعشی داواکراویان دەستگیرکردوە کە زۆربەیان بەپێی ماددەی چواری تیرۆر فەرمانی دەستگیرکردنیان هەبوە.