هەرێم نیوز
وەزارەتی پێشمەرگە لە راگەیاندراوێکدا بڵاویکردەوە، شەوی ١٩ لەسەر ٢٠ی ١٢ی ٢٠٢٥، میران بەکر عەبدولڕەحمان، کارمەندی وەزارەتی پێشمەرگە، توشی ڕووداوێکی نەخوازراو بوو.
لە راگەیانراوەکەدا هاتوە، یەکەم: بە توندی ئەو ڕووداوە نەخوازراوە ئیدانە دەکەین کە ڕووبەڕووی کارمەندێکی وەزارەت بووەتەوە دەستبەجێ وەزارەت، لیژنەیەکی لێکۆڵینەوەی پێکهێناوە بۆ بەدواداچوون و ڕوونکردنەوەی وردەکارییەکانی ئەم ڕووداوە.
دووەم: بۆ ئاگاداری ڕای گشتی، ڕوونی دەکەینەوە کە بەڕێز میران بەکر ماوەی دوو ساڵە پۆستی سکرتێری ڕۆژنامەوانی وەزیری پێشمەرگەی جێهێشتووە و ئێستا ئەو بەرپرسیاریەتیەی نییە.
ئەمەش لە کاتێکدایە، ئەمڕۆ شەممە، میران بەکر لە پەیجی تایبەتی خۆی بڵاویكردەوە: هێزێکی بەڵتەجی و هەمەجی، کاتژمێر یازدەو نیوی شەو، لە نزیک مەکتەبی سیاسیی ی.ن.ک لەهەولێر،، تورەگەی ڕەشییان خستەسەرم و دوایی کەلەبچە کردنم، بەشەق و بۆکس تێیانهەڵدام بۆ ماوەی سێ سەعات. هەموو کەل و پەلەکانی ناو سەیارەکەیان بردم.
پاشان ووتیان: هەڵەمان کردووە!