هەرێم نیوز
دۆناڵد تره‌مپ له په‌یامێكدا دوایین واده بۆ بزووتنه‌وه‌ى حه‌ماسى فه‌ڵه‌ستینى دیارى ده‌كات بۆ راده‌ستكردنه‌وه‌ى بارمته‌كان و ته‌رمه‌كانیان. تره‌مپ ده‌ڵێت، "تا رۆژى یه‌كشه‌ممە کاتژمێر شه‌شى ئێواره دوایین ده‌رفه‌ته ئه‌گینا هه‌موو شێوه‌كانى دۆزه‌خ هه‌ڵده‌گیرسێت، به شێوه‌یه‌ك كه‌س پێشتر نه‌یبینوه".
ئه‌مڕۆ هه‌ینى، دۆناڵد تره‌مپ له ترۆس سۆشیال په‌یامێكى بڵاوكردووه‌ته‌وه و به کاتژمێر دوایین واده‌ى بۆ حه‌ماس دیارى كردووه و رایگەیاند، "بارمته‌كان بده‌نه‌وه، هه‌موویان به لاشه‌ى كوژراوه‌كانیش، هه‌ر ئێسته. ده‌بێت به رێككه‌وتن بگه‌ین تا ئێواره‌ى رۆژى یه‌كشه‌ممە کاتژمێر شه‌شى ئێواره به كاتى واشنتنى پایته‌خت، هه‌موو وڵاته‌كان واژوویان له‌سه‌ر پلانه‌كه كردووه".
وتیشی، "خۆشبەختانە بۆ حەماس دوا دەرفەتیان پێدەدرێت، وڵاتانی گەورە و زلهێز و زۆر دەوڵەمەندەکانی ڕۆژهەڵاتی ناوەڕاست و ناوچەکانی دەوروبەری لەگەڵ ئەمریکا ڕێککەوتون، بە ڕەزامەندی ئیسرائیلیش، بۆ ئاشتی دوای سێ هەزار ساڵ لە ڕۆژهەڵاتی ناوەڕاست".
ترەمپ باسی له‌وه‌شكردن "ئەو گرێبەستە ژیانی هەمو چەکدارانی حەماسیش ڕزگار دەکات، وردەکارییەکانی بەڵگەنامەکە بۆ هەموان زانراوە، بۆ هەموان مامەڵەیەکی گەورەیە، بە جۆرێک یان جۆرێکی تر ئاشتیمان لە ڕۆژهەڵاتی ناوەڕاستدا دەبێت، توندوتیژی و خوێنڕشتنەکە دەوستێت".
ئه‌وه‌شی خسته‌ڕو، "وەک تۆڵەسەندنەوەیەک بۆ هێرشەکەی حەوتی ئۆکتۆبەر، پێشتر زیاتر لە 25 هەزار ئەندامی حەماس کوژراون، ئەوانی دیکەش زۆربەیان گەمارۆدراون و لەڕوی سەربازییەوە گەمارۆدراون، تەنها چاوەڕێی ئەوەن بڵێم 'بڕۆ'، و بەخێرایی ژیانیان لەدەست دەچێت".
سه‌رۆكی ئه‌مریكا هۆشداریشدا "ئەگەر ئەو ڕێککەوتنە دوا دەرفەتە نەکرێت، هەمو جۆرە دۆزەخێک لە دژی حەماس ئەگەری کرانەوەی دەبێت، وەک ئەوەی پێشتر کەس نەیبینیوە، ئاشتی لە ڕۆژهەڵاتی ناوەڕاستدا ڕودەدات".
ترەمپ داوای لە "هەموو فەڵەستینییە بێتاوانەکان کرد ئەم ناوچەیە بەجێبهێڵن، کە دەکرێت لە داهاتودا مردنی بەرفراوان لێی ڕوبدات، دەستبەجێ بۆ ناوچە سەلامەتەکانی غەززە، هەموان بە باشی لەلایەن ئەو کەسانەوە چاودێری دەکرێن کە چاوەڕێی یارمەتی دەکەن".