هەرێم نیوز
ئەڤیگدۆری لیبەرمەن وەزیری پێشووی بەرگری ئیسرائیل دەڵێت، وا دیارە ئەمجارە ئێرانییەکان هەوڵدەدەن پێشوەخته هێرشمان بکەنەسەر.
لیبەرمان لە تۆڕی ئێکس نووسیویەتی: هەرکەسێک پێی وابێت شەڕی ئێمە لەگەڵ ئێران کۆتایی هاتووە، هەڵەیە و خەڵکی دیکەش بەلاڕێدا دەبات.
دەشڵێت ئێرانییەکان لە ئێستادا بە خێرایی کار دەکەن. ڕۆژانە سیستەمی بەرگری و توانای سەربازی خۆیان بەهێزتر دەکەن. کارکردن لە شوێنە ئەتۆمییەکان دەستیپێکردەوە.
ئاماژەی بەوەش کردووە: من ڕاستەوخۆ بە هاووڵاتیانی ئیسرائیل دەڵێم: جەژنی "سوکوت" بگێڕن، لەگەڵ خێزان و هاوڕێیاندا کاتێکی خۆش بەسەر بەرن، بەڵام وریا بن و لە نزیک پەناگە بمێننەوە.