هەرێم نیوز
به‌ڕێوه‌به‌رایه‌تی گشتی بانكه بازرگانییه‌كان له وه‌زاره‌تی دارایی و ئابوری رایدەگەیەنێت، له زیادكردنێكی ئاشكرادا موڵكه‌كانی كۆمپانیای چاڤی ده‌فرۆشرێت و هه‌ركه‌سێك ده‌یه‌وێت به‌شداری له پڕۆسه‌ی زیادكردنه‌كه‌دا بكات، ده‌توانێت له نزیكترینكاتدا سه‌ردانی به‌ڕێوه‌به‌رایه‌تی جێبه‌جێكردنی دوه‌می سلێمانی بكات.
به‌ڕێوه‌به‌رایه‌تی گشتی بانكه بازرگانییه‌كان له وه‌زاره‌تی دارایی و ئابوری حكومه‌تی هه‌رێم له‌ڕاگه‌یه‌ندراوێكدا بڵاویكرده‌وه، رۆژی٥ی ١٠ی ٢٠٢٥ كه ده‌كاته ڕۆژی یه‌كشه‌ممه‌ی داهاتو پڕۆسه‌ی فرۆشتنی زیادكردنی ئاشكرای موڵكه‌كانی ( كۆمپانیای چاڤی بۆ وه‌به‌رهێنانی گه‌شتیاری - هاوپشكی تایبه‌ت ) له‌به‌ڕێوه‌به‌رایه‌تی جێبه‌جێكردنی دوه‌می سلێمانی به‌ڕێوه ده‌چێت كه ژماره‌یان ٦٠ موڵكه".
دەقی راگەیاندراوەکە:
ڕاگەیەندراوێک لە بەڕێوەبەرایەتی گشتی بانکە بازرگانییەکان / وەزارەتی دارایی و ئابووری
لەبەرواری ( ٢٠٢٥/١٠/٥ ) کە دەکاتە ڕۆژی یەکشەممەی داهاتوو پڕۆسەی فرۆشتنی زیادکردنی ئاشکرای موڵکەکانی ( کۆمپانیای چاڤی بۆ وەبەرهێنانی گەشتیاری - هاوپشکی تایبەت ) لەبەڕێوەبەرایەتی جێبەجێکردنی دووەمی سلێمانی بەڕێوە دەچێت کە ژمارەیان ( ٦٠ ) موڵکە، بەمەبەستی گەڕانەوەی قەرزەکانی بانکەکانی سەر بەوەزارەتمان کە بڕەکەی ( ٩١،٧٦٠،٦٦٠،٣٥٠ ) نەوەد و یەک ملیار و حەوتسەد و شەست ملیۆن و شەشسەد و شەست هەزار و سێسەد و پەنجا دینارە و سەرجەم موڵکەکانیش بەیەک پاکێج دەفرۆشرێن.
بۆ ئەو مەبەستە وەزارەتمان بەشدار دەبێت لە پڕۆسەی زیادکردنەکە، هەر کەس و لایەنێک دەیەوێت بەشداری لە پڕۆسەی زیادکردنەکەدا بکات، دەتوانێت لە نزیکترین کاتدا سەردانی بەڕێوەبەرایەتی جێبەجێکردنی دووەمی سلێمانی بکات بەمەبەستی دەستخستنی زانیاری و ئەنجامدانی ڕێکارە کارگێڕی و یاساییەکان.
بەڕێوەبەرایەتی گشتی بانکە بازرگانییەکان / وەزارەتی دارایی و ئابووری
٢٠٢٥/٩/٢٨
تێبینی؛ لیستی سەرجەم موڵکەکان هاوپێچە کە تیایدا بەخشتەیەک کە ناوی سەرجەم موڵکەکان و ڕوبەروو ژمارەی تۆمارەکانیان ڕوون کراوەتەوە.
