هەرێم نیوز
ئەمڕۆ هەینی كۆمیسیۆنی باڵای سەربەخۆی هەڵبژاردنەكانی عێراق بەفەرمی 15ی ئەم مانگەی وەکو وادەی تۆماركردنی حزب و هاوپەیمانیەتییەكانی بۆ هەڵبژاردنی داهاتووی عێراق دیاری كرد.
کۆمیسۆن ڕایگەیاندووە کە لە ڕۆژی 15ـی ئەم مانگەوە دەرگای تۆمارکردنی ناوی حزب و هاوپەیمانی و کانیدە سەربەخۆکان بۆ هەڵبژاردنی داهاتووی پەرلەمانی عێراق دەکرێتەوە و رۆژی 4ی ئایاری داهاتوو كۆتایی دێت.
ڕۆژی چوارشەممەی ڕابردوو ئەنجوومەنی وەزیرانی عێراق لە كۆبوونەوەی ئاسایی خۆیدا بەفەرمی ڕۆژی 11/11/2025ی دیاری كرد بۆ ئەنجامدانی هەڵبژاردنی پەرلەمانی عێراق.
عیماد جەمیل، سەرۆکی تیمی ڕاگەیاندنی کۆمسیۆنی باڵای سەربەخۆی هەڵبژاردنەکانی عێراق ڕایگەیاند، ئامادەن بۆ ئەنجامدانی هەڵبژاردن لەو وادەیەی دیاریکراوە و هیچ بەربەستێکییان نییە.
دەشڵێت: ئەگەر یاسای هەڵبژاردنی پەرلەمان هەموار بکرێتەوە، ڕەنگە ئەمە کاریگەری لەسەر کارەکانی کۆمسیۆن هەبێت.