هەرێم نیوز
کەشى پێشبینیکراوى 48 کاتژمێرى داهاتوو لەلایەن کەشناسیی هەرێمی کوردستانەوە بڵاوکرایەوە؛ باران لە زۆربەی ناوچەکانی هەرێمی کوردستان دەبارێت.
ئەمڕۆ هەینی ئاسمان پەڵە هەور بۆ نیمچە هەور دەبێت و لەشەودا دەگۆڕێت بۆ هەوری تەواو . لە ئێوارەدا نمە باران و بارانی مامناوەند لە سنوری ئیدارەی گەرمیان و پارێزگای هەڵەبجە دەست پێدەكات پاشان كاریگەریەكەی زیاد دەكات و لە درەنگانی شەو باران بارین لە زۆربەی ناوچەكانی هەرێم دەبێت كە هەندێك كات بە شێوەی لێزمە باران و هەورە تریشقە دەبێت.
پلەکانی گەرما كەمێك بەرزتر دەبێت لە تۆماركراوەەکانی دوێنێ.
سبەی شەممە ئاسمان زۆربەی كاتەكان هەوری باراناوی دەبێت، باران بارین لە زۆربەی ناوچەكان دەبێت و كە هەندێك كات بە شێوەی لێزمە باران و هەورە تریشقە دەبێت. پێشبینی دەكرێت لە درەنگانی شەوی شەممە كەش سەقامگیر بێت و كاریگەری ئەو شەپۆڵە كۆتایی بێت.
پلەکانی گەرما بە نزیكەی 2 تا 4 پلە نزمتر دەبێت بەراورد بە تۆمارەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 23 پلەی سیلیزی
سلێمانی : 20 پلەی سیلیزی
دهۆک : 20 پلەی سیلیزی
کەرکوک : 25 پلەی سیلیزی
زاخۆ : 20 پلەی سیلیزی
هەڵەبجە : 19 پلەی سیلیزی
سۆران : 16 پلەی سیلیزی
حاجی ئۆمەران : 9 پلەی سیلیزی
گەرمیان :23 پلەی سیلیزی