هەرێم نیوز
سیپان شێروانی ڕایگەیاند، “لە زووترین كاتدا مووچەی مانگی دوو بۆ هەرێمی كوردستان دەنێردرێت”.
سیپان شێروانی، ئه‌ندامی لیژنەی ئابووریی په‌رله‌مانی عێراق، لە لێدوانێکدا ڕایگەیاند: “مووچەی مانگی شوبات هیچ بەربەستێكی لەپێشدا نییە و لە زووترین كاتدا بۆ هەرێمی كوردستان دەنێردرێت”.
باسی لەوەشکرد: “هەموو شتێك وەك پێویست بەرەوپێش چووە و وردبینیی لیستی مووچە گەیشتووەتە قۆناغی كۆتایی، چاوەڕوان دەكرێت تەمویل بنێردرێت و دەست بە دابەشكردنی مووچە دەكرێت”.
ئەوەشی خستەڕوو: “لیستی مووچە بە سیستەمی (پەیرۆڵ) بۆ بەغدا نێردراوە و هیچ گرفتێكی نەبووە”.