هەرێم نیوز

کەشناسیی هەرێمی کوردستان کەشی ئەمڕۆ و سبەی بڵاوکردەوە؛ بەفر و باران دەبارێت و پلەکانی گەرما نزم دەبێتەوە.

بەپێی پێشبینی کەشناسی، ئەمڕۆ هەینی ئاسمان هەور دەبێت، نمەبارانی پچڕپچڕ لە شوێن و ناوچە جیاجیا دەبێت، بەڵام لە ناوچەكانی پارێزگای سلێمانی و هەڵەبجە و ئیدارەی سۆران و ڕاپەڕین  ڕێژەی دابارین زیاتر دەبێت و بارانی مامناوەند دەبارێت.

لە ناوچە شاخاوییەكان بە تایبەت ناوچە سنوریەكان بەفر بارین دەبێت. پێشبینی دەكرێت بۆ كاتەكانی شەو لە سەنتەری پارێزگای سلێمانی و ناوچەكانی دەوروبەری سلێمانی و سەنتەری قەزای سۆران بە كەمی بەفر بارین هەبێت.

پلەکانی گەرما بە نزیكەی 2 تا 4 پلە نزم دەبێتەوە بەراوورد بە تۆمارکراوەکانی ئەمڕۆ.

بۆ سبەى شەممەش، ئاسمان بە گشتی هەور دەبێت و لە ناوچەكانی ڕۆژهەڵاتی هەرێم نمە باران و بارانی مامناوەند بە پچڕپچڕی دەبارێت. هەروەها لە ناوچە شاخاوییە سنوریەكان بەفر بارین دەبێت.

پلەکانی گەرما بە نزیكەی 1 تا 2 پلە نزمتردەبێت بەراوورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :

هەولێر     : 8 پلەى سیلیزى

سلێمانی  : 6 پلەى سیلیزى

دهۆک     : 7 پلەى سیلیزى

کەرکوک  :10  پلەى سیلیزى

زاخۆ      :  7 پلەى سیلیزى

هەڵەبجە : 6  پلەى سیلیزى

حاجی ئۆمەران  : -4  پلەى سیلیزى

سۆران   : 2 پلەى سیلیزى

گەرمیان  : 12 پلەى سیلیزى