هەرێم نیوز
بەرگریی شارستانی سوریا رایگەیاند، ئەمڕۆ لە مزگەوتی ئەمەوی، بە لایەنیكەمەوە سێ كەس گیانیان لەدەستدا و بە دەیانی دیكەی بریندار بوون.
بەرگریی شارستانی سوریا لە بڵاوکراوەیەکدا رایگەیاند، ئەمڕۆ لە نوێژی هەینی لە مزگەوتی ئەمەوی لە دیمەشق، بە لای كەم سێ كەس گیانیان لەدەست دا و بە دەیانی دیكەی بریندار بوون، ئەمەش بەهۆی قەرەباڵغی و بەسەریەكدا كەوتنی نوێژخوێنان.
ئاماژەی بەوەشکرد، لە رووداوەكەدا جگە لە گیانلەدەستدانی سێ كەس، پێنج منداڵیش تووشی شكان هاتوون و كەوتوونەتە بن دەستوپێی كەسانی دیكە، هەروەها چەند كەسێكی دیكە بەهۆی قەرەباڵغی و بەسەریەكدا كەوتن، لەهۆش چوون.
ئەوەشی خستەڕوو، جگە لە نوێژی هەینی، چالاكییەكیش لە ناو مزگەوتی ئەمەوی رێكخراوە، ئەمەش بووەتە هۆی قەرەباڵغییەكی زۆر.