هەرێم نیوز
تەندروستی چەمچەماڵ ڕایگەیاند، ساڵی رابردوو 888 برینداری رووداوی هاتوچۆی هەبووە کە 228ـیان شۆفێر و سەرنشینی ماتۆڕسکیل بوون.

 بەڕێوەبەرایەتیی تەندروستیی چەمچماڵ لە بڵاوکراوەیەکدا رایگەیاند، ساڵی رابردوو 33 هەزار و 150 نەخۆش و بریندار لە سەنتەری فریاکەوتنی چەمچەماڵ بینراون و داخلکراون و چاودێری و چارەسەری بەپەلەیان بۆکراوە، لە بەشی پێشوازی سالار فەقێ محەمەدیش 46 هەزار و 818 بینراون و چارەسەریان بۆ کراوە.

ئاماژەی بەوەشکرد، ساڵی رابردوو 888 برینداری رووداوی هاتوچۆی هەبووە کە 228ـیان شۆفێر و سەرنشینی ماتۆڕسکیل بوون.

ئەوەشی خستەڕوو، حەوت هەزار و 22 برینداری رووداوی جۆراوجۆری وەک پێوەدانی مار و دووپشک و سوتاوی و شکاوی و بریندار چارەسەرکراون و هەشت هەزار و 456 هێڵکاریی دڵ کراون.