هەرێم نیوز
فەرماندەیی ناوەندی هێزەکانی ئەمەریکا رایدەگەیەنێت: پێگەكانیان لەباكوری سوریا بەهێز دەكەن و پارێزگاری لە خۆیان و هاوپەیمانەكانیان لەناوچەكەدا دەكەن، ئاشكراشیدەكات؛ بۆ گەیشتن بە خواستەکانیان و ئایندەیەکی سەقامگیر پشتیوانی گەلی سوریا دەكات.
دەقی راگەیەندراوەکە:
تیمێکی شەڕکەری هێزی پیادەی برادلی M2A3ی هاوپەیمانی نێودەوڵەتی لە 14ی کانوونی دووەمی 2024 دەوری شوێنێک لە باکووری سوریا دەستەبەر دەکات.
هاوپەیمانییەکە ئاسایش و سەقامگیری لەناو ناوچەی ئۆپەراسیۆنە هاوبەشەکاندا دەپارێزێت.
هێزەکانی هاوپەیمانان بە گرتنەبەری ڕێوشوێنی گونجاو پێگەی خۆیان بەهێزتر دەکەن بۆ ئەوەی لە ئامادەباشیدا بمێننەوە بۆ بەرگریکردن لە خۆیان بەرامبەر ئەو کەسانەی هەوڵی هێرشکردنە سەر هێزەکانی هاوپەیمانان و هاوبەشەکانیان دەدەن و هەوڵی تێکدانی سەقامگیری ناوچەکە دەدەن.
لە هەمان کاتدا مانگی ڕابردوو شایەتحاڵی سەردانی شاندێکی باڵای ئەمریکا بووین بۆ سوریا، کە بەرپرسان باسیان لە پرسە گرنگەکانی پەیوەست بە پرۆسەی گواستنەوەی سیاسی و سەقامگیری ناوچەکە کرد.
ئەمریکا پابەندبوونی خۆی بە کارکردن لەگەڵ لایەنە پەیوەندیدارەکان بۆ پێشخستنی چارەسەرە سیاسییە هەمەلایەنەکان بەپێی بڕیارنامەی ژمارە 2254ی ئەنجومەنی ئاسایش دووپاتدەکاتەوە، بە گرنگیدان بە پشتیوانیکردنی گەلی سوریا لە گەیشتن بە خواستەکانیان بۆ داهاتوویەکی سەلامەت و سەقامگیر.