هەرێم نیوز
حـ.ـەماس رایگەیاند، لیستێکی بارمتەکانی ئیسڕائیلی پەسەند کردووە لە ئەگەری گەیشتن بە ڕێککەوتن.
بەرپرسێکی گروپی چەکداریی حـ.ـەماس بە ڕۆیتەرزی رایگەیاندووە، حـ.ـەماس لیستێکی ئیسڕائیلی پەسەند کردووە کە پێکهاتووە لە 34 بارمتە کە لەلایەن ئیسڕائیلەوە خراوەتەڕوو بۆ ئاڵوگۆڕ پێکردنییان لە ئەگەری ڕێککەوتنێکی ئاگربەستدا.
بەرپرسەکە کە نەیویست ناوی ئاشکرا بکرێت بەهۆی هەستیاریی بابەتەکەوە جەختیشی لەوە کردەوە، کە هەر ڕێککەوتنێک بەند دەبێت بە گەیشتن بە ڕێککەوتنێک لەسەر کشانەوەی هێزەکانی ئیسڕائیل لە غەززە و ئاگربەستێکی هەمیشەیی.
ئەمەش لەکاتێکدایە، چەکدارانی حـ.ـەماس لە 7 ی مانگی 10 دا هێرشییان کردە سەر ئیسڕائیل و نزیکەی 250 کەسییان بە بارمتە گرت.