هەرێم نیوز
سەرجەم وەزارەتەکانی هەرێمی کوردستان لیستی مووچەی مانگی 10یان ڕەوانەی وەزارەتی دارایی و ئابووری کردووە، وردبینی بۆ دەکرێت و هەفتەی داهاتوو ڕەوانەی بەغدا دەکرێت
پرۆسەی دابەشکردنی مووچەی مانگی نۆ بەردەوامە و سبەی پێنجشەممە تەواو دەبێت، چەند ڕۆژێکیشە وەزارەتی دارایی و ئابووری سەرقاڵی ئامادەکردنی لیستی مووچەی مانگی 10 یە.
سەرچاوەیەک لە وەزارەتی دارایی و ئابووریی هەرێمی کوردستان رایگەیاند: "وردبینی لە لیستەکان دەکرێت، دوای تەواوبوونی پرۆسەکە لیستی مووچەی مانگی 10 ڕەوانەی بەغدا دەکرێت و دەکەوێتە هەفتەی داهاتوو."
ئەمەش لەکاتێکدایە، لەکۆبوونەوەى ئەنجوومەنى وەزیرانى هەرێمى کوردستان بڕیاردرا، رەوانەکردنى لیستى مووچە پێش بخرێت، تاوەکو بەهۆى وردبینى بەغداد رەوانەکردنى مووچە دوانەخات
وەزارەتی دارایی و ئابووری دوێنێ شەو لە ڕاگەیێنراوێکدا ڕوونی کردەوە، تاوەکو 18ی ئەم مانگە 105 هەزار و 560 مووچەخۆری دیکە بایۆمەترییان کردووە، بەمەش 75% كێشەی بایۆمەتریی مووچەخۆران چارەسەر كراوە و تاوەكو كۆتایی ساڵ سەرجەم كێشە هونەرییەكانی لیستی مووچە چارەسەر دەبن.