هەرێم نیوز
سەرۆکی هەرێمی کوردستان گەیشتە شاری سلێمانی و لەگەڵ بەرپرسانی پارێزگاکە کۆدەبێتەوە.
بەگوێرەی زانیارییەکان نزیک کاتژمێر 09:30ـی ئەمڕۆ سێشەممە، نێچیرڤان بارزانی، سەرۆکی هەرێمی کوردستان گەیشتە ئەنجوومەنی پارێزگای سلێمانی.
چەند ڕۆژێكە نێچیرڤان بارزانی، سەرۆكی هەرێمی كوردستان دەستی بە سەردانیكردنی شار و شارۆچكەكانی هەرێمی كوردستان كردووە و لەڕۆژانی ڕابردوو سەردانی دهۆك و زاخۆ و سۆرانی كرد و لەگەڵ بەرپرسانی كارگێڕیی ئەم دەڤەرانە كۆبووەوە، هاوكات سەردانی پارێزگای هەولێریشی كرد و لەگەڵ پارێزگار و بەرپرسانی كارگێڕیی پارێزگای هەولێر كۆبووەوە.
سەرۆکی هەرێمی کوردستان لەگەڵ پارێزگاری سلێمانی، جێگرانی پارێزگار، قایمقام و بەرپرسانی کارگێڕیی سنوورەکە کۆببێتەوە.
دوای کۆبوونەوەی ئەنجوومەنی پارێزگا، سەرۆکی هەرێمی کوردستان سەردانی مەکتەبی رێکخستنی (سلێمانی- هەڵەبجە - راپەڕین)ی پارتی دیموکراتی کوردستان دەکات و لەگەڵ بەرپرسانی حیزبەکە کۆدەبێتەوە.
هەر لە سلێمانی چاوی بە بەرپرسانی پارتی لە ئیدارە سەربەخۆکانی گەرمیان و راپەڕین و قەزا و ناحیەکانی سنوورەکە دەکەوێت.