هەرێم نیوز
تەقە لە پاسەوانانی سنووری ناوچەیەکی ئێران کراوە و سێ پاسەوانی ئێرانی کوژراوە و کەسێکیش برینداربووە.
رووداوەکە لە ناوچەی سیستان و بەلوچستانی ئێران روویداوە، کە زۆرجار ڕووداوی شەڕ و پێکدادان لە نێوان هێزەکانی ئێران و جەیشول عەدل ڕوودەدات.
پێدەچێت ئەم هێرشەش لەلایەن گروپی چەکداریی جەیشول عەدل بێت.
ئەم گروپە هێزێکی بەلوچی سوننەمەزهەبن کە دژایەتی حکومەتی کۆماری ئیسلامی ئێران دەکات و زۆرجار لە ناوچەکانی بەلوچستان گورزی بەهێز لە حکومەتی ئێران دەدەن و ژمارەیەکی زۆر پاسداریان کوشتووە.