هەرێم نیوز 

دادڤان عسمەت، گەنجێکی تەمەن 24 ساڵی زاخۆیە؛ بازرگان و سەرمایەدارە و ئێستا لە شاری دوبەی، لە وڵاتی ئیمارات نیشتەجێیە.

دادڤان عسمەت رایگەیاندووە، پێشتر بە ئاڵای کوردستانەوە و لەسەر تێچووی خۆی، چووەتە سەر لوتکەی چیای ئێڤرێست و ساڵی 2025ـیش دەچێتە سەر مانگ.

 ئاماژەی بەوەش کردووە، بە بەهای زیاتر لە دوو ملیۆن دۆلار گرێبەستێکی لەگەڵ کۆمپانیایەک واژۆم کردووە کە ئیلۆن مەسک، بازرگان و سەرمایەداری ئەمەریکی خاوەندارێتی دەکات، بە ئامانجی ئەوەی ساڵی داهاتوو بیبەنە سەر مانگ.

دەشڵێت، "دەمەوێت ببمە یەکەم کورد و یەکەم دانیشتووی عێراق کە بچێتە سەر مانگ. خولیایی منداڵیمە و دەمەوێت ئاڵای کوردستان لەسەر مانگ بەرز بکەمەوە".

ئەو گەنجەی زاخۆ بۆ ماوەی چەند ڕۆژێک لەسەر مانگ دەبێت و ئەو کۆمپانیایەی گرێبەستی لەگەڵ واژۆ کردووە، جلوبەرگ، خواردن، ئاو و هەموو پێدوایستییەکانی دیکەی بۆ دابین دەکات.