هەرێم نیوز 

ئاژانسی رۆیتەرز لە زاری بەرپرسێکی ئاگاداری قەتەرییەوە بڵاویکردەوە، لە ئێستادا نێوەندگیرە قەتەرییەکان هەوڵی گەیشتن بە رێێکەوتنێک لە نێوان بزوتنەوەی حەماس و ئیسرائیل دەدەن، بۆ ئەوەی 50 بارمتە ئازاد بکرێت و لە بەرامبەردا سێ رۆژ ئاگر بەست رابگەیەنرێت.

ئاماژەی بەوەشکرد، رێککەوتنەکە بە هەماهەنگی لەگەڵ ئەمریکا دەکرێت و ئیسرائیلش کۆمەڵێک و ژن و منداڵی فەڵەستینی ئازاد دەکات و هاوکارییە مرۆییەکانی غەززەش زیاد دەکرێت.

ئەوەشی خستەڕو، بزوتنەوەی حەماس بە رێککەوتنەکە رازی بوە، بەڵام ئیسرائیل تا ئێستا رزامەندی دەرنەبڕیوە، ئەوەش لە دوای ئەوەی چەندین رێککەوتنی دیکەی هاوشێوەی رەت کردەوە، بەڵام پێدەچێت لەم جارەدا قایل بێت.