هەرێم نیوز
سه‌رۆك نێچيرڤان بارزانى به‌شدارى له كردنه‌وه‌ى ئۆليمپيادى پاريسدا كرد، پاش ئه‌وه‌ى به بانگهێشتێكى فه‌رمى بۆ به‌شدارى له ڕێوره‌سمى كردنه‌وه‌ى ئۆليمپادى 2024دا گه‌يشته پاريس، ئێواره‌ى ئه‌مڕۆ هه‌ينى 2024/7/26 به‌ڕێز نێچيرڤان بارزانى، سه‌رۆكى هه‌رێمى كوردستان له‌گه‌ڵ سه‌رۆك و سه‌ركرده‌كانى وڵاتانى جيهان، له‌لايه‌ن به‌ڕێز ئيمانوێل ماكرۆن سه‌رۆكى فه‌ره‌نساوه، له كۆشكى ئه‌ليزێ پێشوازى لێكرا.
سەرۆك نێچیرڤان بارزانی لە پەیامێكدا لە ئێکس نوسیویەتی: "خۆشحاڵ بووم بە دیدار لەگەڵ سەرۆك ئیمانوێل مەكرۆن و خانمی یەكەم، بیرگیت مەكرۆن. هەروەها خۆشحاڵم كە بەشداریم لە ڕێوڕەسمی دەستپێكردنی ئۆڵمپیادی پاریسدا كرد. ئەم یارییانە ئاماژەیەكی گەورەن بۆ یەكگرتوویی جیهانی، و پاریس دیسان نیشانی دا كە دەتوانێ لە نزیككردنەوەی دنیا لەیەكتری، ئیلهامبەخش بێت"
سەرۆکایەتیی هەرێمی کوردستان لە راگەیاندراوێکدا بڵاویکردەوە، نێچيرڤان بارزانى له په‌راوێزى رێوره‌سمه‌كه‌دا چاوى به ژماره‌يه‌ك له سه‌رۆك، شا و سه‌ركرده‌كانى جيهان كه‌وت؛ دواى ئه‌وه‌ش پێكه‌وه به‌شدارييان له ده‌سپێكردنى خوولى يارييه‌كانى ئۆڵۆمپیاددا كرد، كه له كۆشكى شاييۆ له ناوچه‌ى ترۆكادێرۆى پاريس به به‌شداريى ده‌يان هه‌زار كه‌س له سه‌رانسه‌رى جيهانه‌وه به‌ڕێوه‌چوو.
