هەرێم نیوز
دۆناڵد ترەمپ، کاندیدی پارتی کۆمارییەکان بۆ هەڵبژاردنی سەرۆکایەتی ئەمەریکا لە ساڵی 2024ی ئەمەریکا، داوای دەستبەجێ کۆتاییهێنان بە شەڕی ئیسرائیل لەگەڵ بزووتنەوەی حە.ماس دەکات، لەگەڵ گەڕانەوەی دەستبەجێی بارمتەکان لە غەززە.
بنیامین نەتانیاهۆ، سەرۆكوەزیرانی ئیسرائیل، لەمیانی سەردانەكەی بۆ ئەمریكا، لە ویلایەتی فلۆریدا لەگەڵ دۆناڵد ترەمپ كاندیدی كۆمارییەكان بۆ كێبڕكێی هەڵبژاردنی سەرۆكایەتی ئەمریكا كۆبووەوە.
بەگوێرەی راگەیەندراوێكی حكومەتی ئیسرائیل، نەتانیاهۆ بە ترەمپی راگەیاند، رۆژی یەكشەممە شاندێك رەوانەی ئیتاڵیا دەكات بۆ ئەنجامدانی گفتوگۆ سەبارەت بە ڕێككەوتنی ئاڵوگۆڕی دیل و بارمتەكان لەگەڵ بزووتنەوەی حەماس.
سەرۆكوەزیرانی ئیسرائیل وتیشی: لە سایەی فشارە سەربازییەكانی سەر حەماس، پێشكەوتن لە دانوستانەكاندا بەدیهاتووە بە ئاڕاستەی گەیشتن بە رێككەوتن لەسەر گۆڕینەوەی دیل و بارمتەكان.