د. پشتیوان فەرەج
دیکتاتۆرەکانی جیهان چیترهەر بەوە ڕازی نین تەنها کۆنترۆڵی دانیشتوانی خۆیان بکەن، ئەوان کراوەیی جیهانی ئازاد بەکاردەهێنن بۆ دەستکاریکردنی زانیاری، چاندنی ناکۆکی و سەرکوتکردنی ناڕازییەکان. بەکارهێنانی دەسەڵاتی تیژ لەلایەن دیکتاتۆرەکانەوە یەکێکە لە گەورەترین هەڕەشەکان بۆ حکومەتە لیبراڵییەکانی جیهانی ئەمڕۆ.
ئەو چیرۆکە گەشبینەی سەرەتای سەدەی بیست و یەک دەربارەی ئەوەی کە چۆن جیهانگیری و بڵاوبوونەوەی ئینتەرنێت و سەرهەڵدانی تۆڕە کۆمەڵایەتییەکان دەبێتە هۆی لیبراڵبوون لە هەموو شوێنێک، ئێستا هەمان ئەو هۆکارانە ڕێگە دەدات ئۆتۆکرات و دیکتاتۆرەکان هەمان دەسەڵاتی تیژ بەکاربەرن بۆ لەناوبردنی دیموکراسی.
لە کاتێکدا کە ئۆتۆکراتەکان دەتوانن زۆر شت بکەن بۆ ئەوەی کۆمەڵگاکانیان لە کاریگەرییە دیموکراسی و لیبراڵییەکان دوور بکەنەوە، بەڵام کۆمەڵگە ئازادەکان هێشتا بە تەواوی تێنەگەیشتوون لەوەی چۆن دەتوانن بەرەنگاری هەڕەشەی دەسەڵاتی تیژ ببنەوە لە کاتێکدا کراوەیی و ئازادیە ڕەهاییەکانی خۆیان بپارێزن و باشترین نمونەش وڵاتانی وەک ئوسترالیا و کۆماری چیک و تایوانن.
لە کتێبی (بەرگریکردن لە دیموکراسی لە سەردەمی دەسەڵاتی تیژدا) سەرنووسەرانی ویلیام جەی دۆبسۆن، تارک مەسعود و کریستۆفەر واڵکەر ئەوە ڕوون دەکەنەوە کە چۆن دەسەڵاتدارە ئۆتۆکراتی و دیکتاتۆرکانی جیهان هەوڵ دەدەن کۆڵەکەکانی کۆمەڵگە دیموکراتییەکان تێکبشکێنن و ئێمە دەتوانین چی لەو بارەیەوە بکەین.
ئەم کتێبە پەیامێکی بەپەلە پێشکەش دەکات بۆ هەر کەسێک کە گرنگی بە بەرگریکردن لە دیموکراسی دەدات لە سەدەی بیست و یەکدا.